جگر مراد آبادی

دعویٰ کیا تھا ضبط محبت کا اے جگرؔ
ظالم نے بات بات پہ تڑپا دیا مجھے

اختر شیرانی

اخترؔ اس جان تمنا کی ادا
جب کبھی یاد آ گئی تڑپا گئی

اسرار الحق مجاز

تسکینِ دلِ محزوں نہ ہوئی وہ سعی کرم فرما بھی گئے
اس سعی کرم کو کیا کہیے بہلا بھی گئے تڑپا بھی گئے

جلیل مانک پوری

وہ بجلی ہیں تو ہوں ان کو مبارک
مجھے کس واسطے تڑپا رہے ہیں

شکیل بدایونی

روح کو تڑپا رہی ہے ان کی یاد
درد بن کر چھا رہی ہے ان کی یاد
شوریدگی نالۂ گستاخ کیا کہوں
اس قلب نازنیں کو بھی تڑپا کے رہ گیا