جگر مراد آبادی

جو دل سے اٹھتے ہیں شعلے وہ رنگ بن بن کر
تمام منظر فطرت پہ چھائے جاتے ہیں

رئیس فروغؔ

آنکھوں سے آکاش تلک
آنچل بن کے چھائے ہو

حفیظ جالندھری

کبھی زمیں پہ کبھی آسماں پہ چھائے جا
اجاڑنے کے لیے بستیاں بسائے جا

سیماب اکبر آبادی

سمائی جاتی ہیں دل میں وہ کفر بار آنکھیں
یہ بت کدے مرے کعبے پہ چھائے جاتے ہیں

شکیل بدایونی

میری نگاہِ شوق پہ چھائے ہوئے ہو تم
جلووں کو خود حجاب بنائے ہوئے ہو تم

فانی بدایونی

خرد نواز نگاہوں کی آڑ میں رہ کر
فضائے عالم دیوانگی پہ چھائے جا

مجروح سلطان پوری

ہے یہی اک کاروبار نغمہ و مستی کہ ہم
یا زمیں پر یا سر افلاک ہیں چھائے ہوئے