جگر مراد آبادی

محبت صلح بھی پیکار بھی ہے
یہ شاخِ گل بھی ہے تلوار بھی ہے

عرفان صدیقی

کچھ دن پرند پرورشِ بال و پر کریں
بے صرفہ کیوں ہواؤں سے پیکار کرتے ہیں
شہر کیوں رات میں بیدار ہے میں کیا جانوں
جشن ہے صبح کہ پیکار ہے میں کیا جانوں

اختر حسین جعفری

عبث تاریک رستے کو تہ خورشید جاں رکھا
یہی تار نفس آزار سے پیکار تک آیا

ظہیر کاشمیری

رنج محبت رنج زمانہ دونوں ہم سے خائف ہیں
ہم نے سوچ سمجھ کر دل کو سرگرم پیکار کیا

علی سردار جعفری

کبھی جھکتے ہوئے بادل کبھی گرتی بجلی
کبھی اٹھتی ہوئی آمادۂ پیکار آنکھیں

شکیل بدایونی

زندگی سے موت اک اک گام پر
بر سرِ پیکار ہے تیرے بغیر

احمد فراز

ہوتی ہے اب بھی گاہے بگاہے کوئی غزل
ہم زندگی سے بر سرِ پیکار ہی سہی

محبوب خزاں

ستم دیکھو کہ اس بے درد سے اپنی لڑائی ہے
جسے شرمندۂ پیکار بھی کرتے نہیں بنتا