جگر مراد آبادی

خبردار اے سبک ساران ساحل
یہ ساحل ہی کبھی منجدھار بھی ہے

قمر جلالوی

دم نکل جائے گا حسرت نہ دیکھ اے نا خدا
اب مری قسمت پہ کشتی چھوڑ دے منجدھار میں

شکیب جلالی

کشتیِ زیست سلامت ہے نہ پتوار یہاں
موج درموج ہیں سو رنگ کے منجدھار یہاں

ظہیر کاشمیری

کس کو ملی تسکین ساحل کس نے سر منجدھار کیا
اس طوفان سے گزرے جس نے ندی ندی کو پار کیا

شکیل بدایونی

کہتے ہیں انہیں کو دشمن دل ہے نام اسی کا ناصح بھی
وہ لوگ جو رہ کر ساحل پر منجدھار کی باتیں کرتے ہیں

قتیل شفائی

پھر بھی وہی سیلاب حوادث جانے دو اے ساحل والو
یا اس بار سفینہ ڈوبا یا اس کے منجدھار نہیں ہے
اپنی تقدیر کو روتے رہیں ساحل والے
جن کو آنا تھا وہ منجدھار تک آ پہنچے ہیں
بڑی ہمت دکھائیں گے تو ساحل چھوڑ جائے گا
ہمارے ناخدا منجدھار سے آگے نہیں جاتے