سراج الدین ظفر

تشبیہ دے کے قامت جاناں کو سرو سے
اونچا ہر ایک سرو کا قد ہم نے کر دیا

مصطفی زیدی

ناصحا اس لیے میں گوش بر آواز نہ تھا
تری آواز سے چھوٹا ہے ترا قد کہ نہیں

فارغ بخاری

میں شعلۂ اظہار ہوں کوتاہ ہوں قد تک
وسعت مری دیکھو تو ہے دیوار ابد تک

احمد فراز

میں سر برہنہ رہا پھر بھی سر کشیدہ رہا
کبھی کلاہ سے توقیر قد نہیں مانگی

اقبال ساجد

سائے کی طرح بڑھ نہ کبھی قد سے زیادہ
تھک جائے گا بھاگے گا اگر حد سے زیادہ
خواہش ہے بڑائی کی تو اندر سے بڑا بن
کر ذہن کی بھی نشو و نما قد سے زیادہ