مرزا غالب

ملنا ترا اگر نہیں آساں تو سہل ہے
دشوار تو یہی ہے کہ دشوار بھی نہیں

داغ دہلوی

کیوں مرے قتل سے انکار یہ کیوں
اس قدر ہے تمہیں دشوار یہ کیا
دل مبتلائے لذتِ آزار ہی رہا
مرنا فراقِ یار میں دشوار ہی رہا

مومن خان مومن

جینا امید وصل پہ ہجراں میں سہل تھا
مرتا ہوں زندگانی دشوار کے لیے

مرزا رفیع سودا

شیریں نے کوہ کن سے منگائی تھی جوئے شیر
گر امتحاں ہے اس سے بھی دشوار کچھ کہو

باقی صدیقی

کچھ کہیں تو آپ ہوتے ہیں خفا
چپ رہیں تو زندگی دشوار ہے

جون ایلیا

جونؔ آؤ کارواں در کارواں
منزلِ دشوار کی باتیں کریں

جگر مراد آبادی

اسی انسان میں سب کچھ ہے پنہاں
مگر یہ معرفت دشوار بھی ہے
غنیمت ہے کہ اس دور ہوس میں
ترا ملنا بہت دشوار بھی ہے

شکیب جلالی

ہم سفر چھوٹ گئے ‘ راہنما روٹھ گئے
یوں بھی آسان ہوئی منزلِ دشوار یہاں