عبدالحمید عدم

نہ چھیڑ اے ہم نشیں اب زیست کے مایوس نغموں کو
کہ اب بربط کے تاروں کو بڑی تکلیف ہوتی ہے

قمر جلالوی

جب وہ آتے ہیں تو مدھم سے پڑ جاتے ہیں چراغ
چاند سی روشنی ہو جاتی ہے کم تاروں میں

سیف الدین سیف

حسین راتوں جمیل تاروں کی یاد سی رہ گئی ہے باقی
کچھ اپنی اجڑی ہوئی بہاروں کی یاد سی رہ گئی ہے باقی

شکیل بدایونی

سحر کو رخصت بیمارِ فرقت دیکھنے والو
کسی نے یہ بھی دیکھا رات بھر تاروں پہ کیا گزری
شبِ فراق کو اے چاند آ کے چمکا دے
نظر اداس ہے تاروں میں جی نہیں لگتا