قمر جلالوی

ہاتھ اٹھائے تھے کہ ہاروں کی لڑیں ٹوٹ پڑیں
صدقہ پھول نے اتارا تری انگڑائی کا

رئیس فروغؔ

صبح ہوئی تو دل میں جیسے
تھکی تھکی انگڑائی ہے

شکیل بدایونی

ہوش ادراک سے بیگانہ بنا کر اک بار
کوئی کروٹ ہی نہ بدلی تری انگڑائی نے

محسن نقوی

وہ تو یوں کہیے کہ اک قوسِ قزح پھیل گئی
ورنہ میں بھول گیا تھا تری انگڑائی کو

ناصر کاظمی

جہاں بھی تھا کوئی فتنہ تڑپ کے جاگ اٹھا
تمام ہوش تھی مستی میں تیری انگڑائی
دفعتہ دل میں کسی یاد نے لی انگڑائی
اس خرابے میں یہ دیوار کہاں سے آئی