قمر جلالوی

ہوا شب کو عبث مئے کے لیے جانا تو کیا ہو گا
اندھیرے میں نظر نہ آیا میخانہ تو کیا ہو گا

احسان دانش

شب خمار‌‌ حسن ساقی حیرت میخانہ تھا
آپ ہی مے آپ ہی خم آپ ہی پیمانہ تھا

بہزاد لکھنوی

ہم کو واعظ کا بھی دل رکھنا ہے ساقی کا بھی دل
ہم تو توبہ کر کے بھی پابند میخانہ رہے
مے کدہ میں ہم دعائیں کر رہے ہیں بار بار
اس طرف بھی چشمِ مست پیر میخانہ رہے

امیر مینائی

مرکزِ خاک ہے دردِ تہِ پیمانۂ عشق
آسماں ظرف بر آوردۂ میخانۂ عشق
دل مرا شیشہ ہے آنکھیں مری پیمانۂ عشق
جسم با جوشِ محبت سے ہے میخانۂ عشق

ناصر کاظمی

وا ہوا پھر در میخانہ گل
پھر صبا لائی ہے پیمانۂ گل
پھر کسی گل کا اشارہ پا کر
چاند نکلا سر میخانہ گل