قمر جلالوی

کون کہہ دے گا کہ باتیں ہیں دیوانوں کی
دھجیاں جیب میں رکھی ہیں گریبانوں کی
یادگاریں نہیں کچھ اور تو دیوانوں کی
دھجیاں ملتی ہیں صحرا میں گریبانوں کی

احسان دانش

آج کیا سوجھ رہی ہے ترے دیوانوں کو
دھجیاں ڈھونڈتے پھرتے ہیں گریبانوں کی

ظہیر کاشمیری

ان کے ہر چاک سے تنویر وفا پھوٹے گی
جشن فردا میں سجائیں گے گریبانوں کو

علی سردار جعفری

جراحت خانۂ دل ہے تلاش رنگ و نکہت میں
کہاں ہو اے گلستانو گریبانوں میں آ جاؤ

حسرت موہانی

خو سمجھ میں نہیں آتی ترے دیوانوں کی
دامنوں کی نہ خبر ہے نہ گریبانوں کی

امیر مینائی

موجیں دریا میں جو اٹھتی ہوئی دیکھیں سمجھا
یہ بھی مجمع ہے تیرے چاک گریبانوں کا
دامنوں کا نہ پتہ ہے نہ گریبانوں کا
حشر کہتے ہیں جسے شہر ہے عریانوں کا

فراق گورکھپوری

وحشتیں بھی نظر آتی ہیں سر پردۂ ناز
دامنوں میں ہے یہ عالم نہ گریبانوں میں
جوہر غنچہ و گل میں ہے اک اندازِ جنوں
کچھ بیاباں نظر آئے ہیں گریبانوں میں