قمر جلالوی

خیر محفل میں نہیں حسن کے دیوانوں کی
شمع کے بھیس میں موت آئی ہے پروانوں کی
صرف اک اپنی نمود سرِ محفل کے لیے
لاکھوں قربانیاں دیں شمع نے پروانوں کی

ظہیر کاشمیری

عارض شمع پہ نیند آ گئی پروانوں کو
خواب سے اب نہ جگائے کوئی دیوانوں کو

حسرت موہانی

آنکھ والے تری صورت پہ مٹے جاتے ہیں
شمعِ محفل کی طرف بھیڑ ہے پروانوں کی

سیف الدین سیف

بجھ گئی شمعِ سحر سے پہلے
آگ جلتی رہی پروانوں میں

شکیل بدایونی

شمع کی آگ میں دل جلتے ہیں پروانوں کے
حوصلے دیکھیے ان سوختہ سامانوں کے