قمر جلالوی

اے قمر رات کو مے خانے میں اتنا تھا ہجوم
قسمتیں کھل گئیں ٹوٹے ہوئے پیمانوں کی

ظہیر کاشمیری

ان کو معلوم ہے رندوں کی تمنا کیا ہے
عکس رخ ڈال کے بھر دیتے ہیں پیمانوں کو

حسرت موہانی

فیض ساقی کی عجب دھوم ہے مے خانوں میں
ہر طرف مے کی طلب مانگ ہے پیمانوں کی

شکیل بدایونی

فصلِ گل رنگِ چمن دورِ خزاں حسنِ بہار
مختلف نام ہیں ساقی ترے پیمانوں کے

فراق گورکھپوری

بزمِ مے بے خود و بے تاب نہ کیوں ہو ساقی
موجِ بادہ ہے کہ درد اٹھتا ہے پیمانوں میں
خندۂ صبحِ ازل تیرگیِ شام ابد
دونوں عالم ہیں چھلکتے ہوئے پیمانوں میں