قمر جلالوی

تاثیر پسِ مرگ دکھائی ہے وفا نے
جو مجھ پہ ہنسا کرتے تھے وہ روتے ہیں سرہانے

شاد عظیم آبادی

تیرے بیمارِ محبت کی یہ حالت پہنچی
کہ ہٹایا گیا تکیہ بھی سرہانے والا

احمد فراز

شمع کی لو تھی کہ وہ تو تھا مگر ہجر کی رات
دیر تک روتا رہا کوئی سرہانے میرے

شاذ تمکنت

خواب نادم ہیں کہ تعبیر دکھانے سے گئے
سائے سائے مری نیندوں کے سرہانے سے گئے

کیف بھوپالی

کیسے مانیں کہ انہیں بھول گیا تو اے کیفؔ
ان کے خط آج ہمیں تیرے سرہانے سے ملے
دل میں آہٹ سی ہوئی روح میں دستک گونجی
کس کی خوش بو یہ مجھے میرے سرہانے آئی