شکیب جلالی

مرجھا کے کالی جھیل میں گرتے ہوئے بھی دیکھ
سورج ہوں ‘ میرا رنگ مگر دن ڈھلے بھی دیکھ

احسان دانش

تھے محبت کی ابتدا کے قصور
وہ تبسم جو آنسوؤں میں ڈھلے
چاند ساکت ہے رک گئے تارے
اب وہ آئیں تو غم کی رات ڈھلے

ماجد صدیقی

سایہ ہوں اور رہین ضیا ہے مرا وجود
سورج کہیں نہ ساتھ ہی لے کر ڈھلے مجھے

قابل اجمیری

دن چھپا اور غم کے سائے ڈھلے
آرزو کے نئے چراغ جلے

کلیم عاجز

دل درد کی بھٹی میں کئی بار جلے ہے
تب ایک غزل حسن کے سانچے میں ڈھلے ہے
بھولی ہوئی یاد آ کے کلیجے کو ملے ہے
جب شام گزر جائے ہے جب رات ڈھلے ہے