شکیب جلالی

دھوپ کی لہر ہے تو‘ سایہِ دیوار ہیں ہم
آج بھی ایک تعلق ہے ترے ساتھ ہمیں

جمال احسانی

جو میری تیری ملاقات کا سبب تھا کبھی
وہ لمحہ تیرے بچھڑنے کے ساتھ باقی ہے

بشیر بدر

میں ہر حال میں مسکراتا رہوں گا
تمہاری محبت اگر ساتھ ہوگی

عبید اللہ علیم

اک دریائے رحمت ہے جو بہتا جاتا ہے
یہ شان برکات کسی کے ساتھ نہیں دیکھی

غلام محمد قاصر

اکیلا دن ہے کوئی اور نہ تنہا رات ہوتی ہے
میں جس پل سے گزرتا ہوں محبت ساتھ ہوتی ہے
دعا کریں گے مگر اس مقام سے آگے
تمام لفظ جہاں ساتھ چھوڑ دیتے ہیں

سید ضمیر جعفری

اب اک رومال میرے ساتھ کا ہے
جو میری والدہ کے ہاتھ کا ہے
ایک دو سجدے ذرا شہرِ نگاراں کی طرف
اے غمِ ہستی ٹھہر چلتا ہوں تیرے ساتھ میں
ادا کچھ کیا نسل فردا کا قرض
کہ ہم اے زمانے ترے ساتھ ہیں

اختر ہوشیارپوری

نہ جب کوئی شریک ذات ہوگا
مرا ہم زاد میرے ساتھ ہوگا

احمد فراز

فیض گیا اب تم بھی چلے تو کون رہے گا مقتل میں
ایک فراز ہے باقی ساتھی، اس کو بھی اپنے ساتھ کرو

قتیل شفائی

غم کے اندھیارے میں تجھ کو اپنا ساتھی کیوں سمجھوں
تو پھر تو ہے میرا تو سایہ بھی میرے ساتھ نہیں

مجروح سلطان پوری

جلا کے مشعلِ جاں ہم جنوں صفات چلے
جو گھر کو آگ لگائے ہمارے ساتھ چلے
ہوا اسیر کوئی ہم نوا تو دور تلک
بپاس طرز نوا ہم بھی ساتھ ساتھ چلے