شکیب جلالی

جب تک کہ ہوس رہی گلوں کی
کانٹے بھی رہے قبول یارو

عرفان صدیقی

یہ باغ جس نے اگایا ہے پھول بھی دے گا
دیے ہیں لفظ تو حسنِ قبول بھی دے گا
وہ جس نے پود لگائی ہے پھول بھی دے گا
سخن دیا ہے تو حسنِ قبول بھی دے گا
وہ جس نے باغ اگایا ہے پھول بھی دے گا
دیے ہیں لفظ تو حسنِ قبول بھی دے گا
میں اک دعا ہوں تو دروازہ آسمان کا بھی کھول
اور اک نوا ہوں تو حسنِ قبول دے مجھ کو

جمال احسانی

سرِ کوچۂ عشق آ پہنچے ہو لیکن ذرا دھیان رہے کہ یہاں
کوئی نیکی کام نہیں آتی کوئی دعا قبول نہیں ہوتی

قتیل شفائی

ہم کو تو انتظارِ سحر بھی قبول ہے
لیکن شبِ فراق ترا کیا اصول ہے
تجھی کو نفرت رہی ہے جن سے وہ جن کی تعبیر صرف تو ہے
وہ آخرِ شب کے خواب کرنے پڑیں گے آخر قبول تجھ کو