شکیب جلالی

روتے ہیں دل کے زخم تو ہنستا نہیں کوئی
اتنا تو فائدہ مجھے تنہائیوں سے ہے

ادا جعفری

وہ بے پناہ خوف جو تنہائیوں میں تھا
دل کی تمام انجمن آرائیوں میں تھا
اس کے حضور شکر بھی آساں نہیں اداؔ
وہ جو قریب جاں مری تنہائیوں میں تھا

شکیل بدایونی

ظاہر یہ کر رہی ہیں شبِ غم کی نزہتیں
کوئی چھپا ہوا مری تنہائیوں میں ہے

کیف بھوپالی

نہ آیا مزہ شب کی تنہائیوں میں
سحر ہو گئی چند انگڑائیوں میں
محبت ہے یا آج ترکِ محبت
ذرا مل تو جائیں وہ تنہائیوں میں