مرزا غالب

پیرانہ سال غالب میکش کرے گا کیا
بھوپال میں مزید جو دو دن قیام ہو

انشاء اللہ خان انشا

ہمسائے آپ کے میں لیتا ہوں اک حویلی
اس شہر میں ہوا جو چندے قیام میرا

جون ایلیا

رنج ہے حالت سفر حال قیام رنج ہے
صبح بہ صبح رنج ہے شام بہ شام رنج ہے

جگر مراد آبادی

اسے حال و قال سے واسطہ نہ غرض مقام و قیام سے
جسے کوئی نسبت خاص ہو ترے حسن برق خرام سے

عبدالحمید عدم

اے زلف عنبریں ذرا لہرا کے پھیلنا
اک رات اس چمن میں مرا بھی قیام ہے

عرفان صدیقی

اسے تلاش نہ کر دشت کربلا میں کہ ہے
ہمارے دیدۂ تر میں قیام پانی کا

جمال احسانی

وحشت اک اور ہے مجھے ہجرت سے بھی سوا
ہم خانہ مطمئن نہیں میرے قیام سے
ہم ایسے بے ہنروں میں ہے جو سلیقۂ زیست
ترے دیار میں پل بھر قیام سے آیا

بہزاد لکھنوی

نمازِ عشق کا ہے انحصار اشکوں تک
یہ بے نیاز سجود و قیام ہوتی ہے

بشیر بدر

ہے عجیب شہر کی زندگی نہ سفر رہا نہ قیام ہے
کہیں کاروبار سی دوپہر کہیں بد مزاج سی شام ہے

جوش ملیح آبادی

چنے ہوئے ہیں پیالے جھکی ہوئی بوتل
نیا قعود نرالا قیام ہے ساقی

عزیز حامد مدنی

ابھی تو کچھ لوگ زندگی میں ہزار سایوں کا اک شجر ہیں
انہیں کے سایوں میں قافلے کچھ ٹھہر گئے بے قیام کہنا

مجروح سلطان پوری

نہ دیکھیں دیر و حرم سوئے رہروان حیات
یہ قافلے تو نہ جانے کہاں قیام کریں

محسن احسان

سبک روان رہ غم نے زندگی محسنؔ
مسافرانہ گزاری قیام سے پہلے