عرفان صدیقی

اب تک کس انتظار میں بیٹھے ہوئے ہیں لوگ
امید کے لیے کوئی امکان چاہیے
پکارتا ہے مگر دھیان میں نہیں آتا
عجیب حرف ہے امکان میں نہیں آتا
اے شبِ در بدری آنکھ میں روشن کیا ہے
کچھ ستارے کہ سرِ مطلعِ امکان جو ہیں

جمال احسانی

اس تاریک فضا میں میری ساری عمر
دیا جلانے کے امکان میں گزری ہے

عالم تاب تشنہ

رسمِ وفا کا اس سے نبھانا بھی ہے محال
ترکِ تعلقات بھی امکان میں نہیں
تشنہؔ وہ شب لکھی ہے ہمارے نصیب میں
جس کی سحر کا ذکر بھی امکان میں نہیں

سیماب اکبر آبادی

حدود عالم تکویں میں سب ممکن ہی ممکن ہے
تو نا ممکن کے جھگڑے میں نہ پڑا امکان پیدا کر

شاد عظیم آبادی

تھی دھار رگِ گردن پہ مری سینہ بھی دبا تھا قدموں سے
خنجر کا ترے بوسہ ہم نے منہ پھیر کے تا‌ امکان لیا

احمد فراز

سرِ دیوار فروزاں ہے ابھی ایک چراغ
اے نسیمِ سحری کچھ ترے امکان میں ہے

محسن احسان

ہم سرِ طور بھی پہنچے مگر اے حسنِ ازل
تیرے ملنے کا نہ پھر بھی کوئی امکانِ ہوا

محسن نقوی

اتنی دیر میں اجڑے دل پر کتنے محشر بیت گئے
جتنی دیر میں تجھ کو پا کر کھونے کا امکانِ ہوا