عرفان صدیقی

مولا، پھر مرے صحرا سے بن برسے بادل لوٹ گئے
خیر، شکایت کوئی نہیں ہے اگلے برس برسا دینا

رئیس فروغؔ

یہ مرے پودے یہ مرے پنچھی یہ مرے پیارے پیارے لوگ
میرے نام جو بادل آئے بستی میں برسا دینا

اختر شیرانی

نہیں شکوۂ تشنگی مے کشوں کو
وہ آنکھوں سے مے خانے برسا رہے ہیں
آہ وہ اس کی نگاہ مے فروش
جب بھی اٹھی مستیاں برسا گئی

جلیل مانک پوری

رہے دامن بھرا ان کا ہمیشہ
لحد پر پھول جو برسا رہے ہیں

حسرت موہانی

ان کو یاں وعدے پہ آ لینے دے اے ابرِ بہار
جس قدر چاہنا پھر بعد میں برسا کرنا

حفیظ جالندھری

رویا کہ تھا جہیز ترا واجب الادا
مینہ موتیوں کا قبر پہ برسا کے آ گیا

اختر ہوشیارپوری

ان دنوں بھی شہر میں سیلاب آتے تھے بہت
وادیوں میں جب کہیں بادل ابھی برسا نہ تھا
پیاس بجھتی ہے کہاں تپتے بیابانوں کی
مری آنکھوں مری آنکھو یوں ہی برسا نہ کرو

فراق گورکھپوری

انہیں میں راز ہیں گلباریوں کے
میں جو چنگاریاں برسا رہا ہوں

قتیل شفائی

وہی کچھ کر رہا ہوں جو کیا میرے بزرگوں نے
نئے ذہنوں پہ اپنے تجربے برسا رہا ہوں میں

محسن احسان

کیا گلہ تجھ سے کہ گلشن کا مقدر ہے یہی
ابر گھر کر جب بھی آیا آگ ہی برسا گیا
محسنؔ احساں کسی بادل کا ٹکڑا ہے کہ جو
ایک لمحے کے لیے آیا گھرا برسا گیا
پہاڑ اب آبشاریں رو رہے ہیں
یہ بادل ٹوٹ کر برسا کہاں ہے

محسن نقوی

رات جل تھل مری آنکھوں میں اتر آیا تھا
صورتِ ابر کوئی ٹوٹ کے برسا ہو گا

ناصر کاظمی

پھر سلگنے لگا صحرائے خیال
ابر گھر کر کہیں برسا ہو گا
چلتے ہوئے آندھی آئی تھی
رستے میں بادل برسا تھا