عرفان صدیقی

اب لہو تم کو بھی پیارا ہے چلو یوں ہی سہی
ورنہ یہ رنگ تو اس دشت میں لایا میں تھا

غلام محمد قاصر

جہاں نے مجھ کو پہلے ہی خبر کر دی
کبوتر دیر سے پیغام لایا تھا

حفیظ جالندھری

بہ حال گمرہی پایا گیا ہوں
حرم سے دیر میں لایا گیا ہوں
کوئی صنعت نہیں مجھ میں تو پھر کیوں
نمائش گاہ میں لایا گیا ہوں

شاد عظیم آبادی

دلِ مضطر سے پوچھ اے رونق بزم
میں خود آیا نہیں لایا گیا ہوں
کجا میں اور کجا اے شادؔ دنیا
کہاں سے کس جگہ لایا گیا ہوں

شکیل بدایونی

نہ ہو گی تابِ ضبطِ غم جب ان کو
یقیناً اشک بھر لایا کریں گے
شکیلؔ اپنے لیے لمحات فرصت
پیام نو بہ نو لایا کریں گے

قتیل شفائی

زیست کی گرمی بیدار بھی لایا سورج
کھل گئی آنکھ مری سر پہ جو آیا سورج

قیوم نظر

کیا سے کیا شکلیں دکھاتا ہے فریب آ گہی
دشتِ امکاں سے کوئی ذرہ اٹھا لایا کرو