عرفان صدیقی

کچھ نہ کچھ حرفِ عنایت کا صلہ دیں تم کو
اذن ہو جائے تو حاضر کریں نذرانۂ لب

مجید امجد

امجد ان اشکبار زمانوں کے واسطے
اک ساعتِ بہار کا نذرانہ چاہیے

علی سردار جعفری

وصل کی صبح شبِ ہجر کے بعد آئی ہے
آفتاب رخ محبوب کا نذرانہ لیے

جوش ملیح آبادی

دامن جوشؔ میں پھر بھر کے متاع کونین
خدمت پیر مغاں میں پئے نذرانہ چلیں

کیفی اعظمی

کچھ کنیزیں جو حریمِ ناز میں ہیں باریاب
مانگتی ہیں جان و دل نذرانہ تیرے شہر میں

مجروح سلطان پوری

یار نکتہ داں کدھر ہے پھر چلیں اس کے حضور
زندگی کو دل کہیں اور دل کو نذرانہ کہیں

ناصر کاظمی

رقص کرتی ہوئی شبنم کی پری
لے کے پھر آئی ہے نذرانۂ گل