عرفان صدیقی

کیا گنجِ گہر کی مرے دامن کو کمی ہے
چاہوں تو ابھی دیدۂ نمناک سے لے آؤں

جمال احسانی

نادم ہے بہت تو بھی جمالؔ اپنے کیے پر
اور دیکھ لے وہ آنکھ بھی نمناک بہت ہے
صبح دم دیکھا تو خشکی پر تڑپتا تھا بہت
ایک منظر دیدۂ نمناک سے بچھڑا ہوا
عشق میں کوئی تکلف کی ضرورت تو نہیں
پھر وہ کیوں دیدۂ نمناک بدل کر آیا

ضیا جالندھری

غم گساروں کو بھی ہے اپنے ہی آلام سے کام
دل پہ جو بیتی ہے اے دیدۂ نمناک نہ کہہ

ظہیر کاشمیری

دل کے غم نے درد جہاں سے مل کے بڑا بے چین کیا
پہلے پلکیں پر نم تھیں اب عارض بھی نمناک ہوئے