عرفان صدیقی

پھر کسی نام کا مہتاب نہ نکلا مجھ میں
مدتیں ہو گئیں ڈوبا تھا وہ چہرہ مجھ میں

رئیس فروغؔ

دیکھ لو میں بھی ہوں میرا جسم بھی
بس ہوا یہ ہے کہ چہرہ جل گیا

اکبر معصوم

نہ اپنا نام نہ چہرہ بدل کے آیا ہوں
کہ اب کی بار میں رستہ بدل کے آیا ہوں

بشیر بدر

اب ان دنوں میری غزل خوشبو کی اک تصویر ہے
ہر لفظ غنچے کی طرح کھل کر ترا چہرہ ہوا
پرکھنا مت پرکھنے میں کوئی اپنا نہیں رہتا
کسی بھی آئنے میں دیر تک چہرہ نہیں رہتا

زہرا نگاہ

جبر دل بے مہر کا چرچا نہیں ہوتا
تاریکیِ شب میں کوئی چہرہ نہیں ہوتا

عبید اللہ علیم

یہ مری روح کا احساس ہے آنکھیں کیا ہیں
یہ مری ذات کا آئینہ ہے چہرہ کیا ہے

غلام محمد قاصر

تصویر نہیں بدلی شیشہ بھی نہیں بدلا
نظریں بھی سلامت ہیں چہرہ بھی نہیں بدلا