عرفان صدیقی

اس شناور نے بھنور سے نہ نکالا مجھ کو
جانے کس موج عنایت نے سنبھالا مجھ کو

احسان دانش

دیکھنا ہے دیکھ لو اٹھتی ہوئی محفل کا رنگ
صبح کے بجھتے چراغوں کا سنبھالا ہم بھی ہیں

ظہیر کاشمیری

یہ کاروبار چمن اس نے جب سنبھالا ہے
فضا میں لالہ و گل کا لہو اچھالا ہے

جلیل مانک پوری

دل نہ سنبھلا تھا اگر دیکھ کے جلوہ اس کا
تو نے اے دردِ جگر اٹھ کے سنبھالا ہوتا

رسا چغتائی

اس نے منظرِ بدل دیا یکسر
چاہیے تھا ذرا سنبھالا مجھے

سلام مچھلی شہری

کس نے خواب انساں کے نقرئی سفینے کو
سخت تر تلاطم کی زد میں بھی سنبھالا ہے

نوح ناروی

ہمیں پر ہوئیں کیا ہزاروں جفائیں ہزاروں پر آئیں ہزاروں بلائیں
زمانے میں کوئی سنبھلنے نہ پایا کسی شوخ نے ہوش جب سے سنبھالا