عرفان صدیقی

جز حرف دلا کچھ بھی عبارت نہیں کرتے
ہم اور سخن کوئی سماعت نہیں کرتے

مجید امجد

وطن چمکتے ہوئے کنکروں کا نام نہیں
یہ تیرے جسم، تری روح سے عبارت ہے

بشیر بدر

ہنسی معصوم سی بچوں کی کاپی میں عبارت سی
ہرن کی پیٹھ پر بیٹھے پرندے کی شرارت سی

ظہیر کاشمیری

ہمارے عشق سے درد جہاں عبارت ہے
ہمارا عشق ہوس سے بلند و بالا ہے

اقبال ساجد

ابھی سب حرف تازہ ہیں مکرتا کیوں ہے معنی سے
سیاہی خشک بھی ہونے نہیں پائی عبارت کی
آنکھیں ہیں تیرے پاس تو پھر سطحِ آب پر
گہرائی سے ابھر کے عبارت بھی آئے گی

فراق گورکھپوری

کتنی خلاق ہے یہ نیستی عشق فراقؔ
اس سے ہستی ہے عبارت مجھے معلوم نہ تھا