عرفان صدیقی

در و دیوار میں کچھ تازہ ہوا حل کر دے
کوئی رات آئے اور اس شہر کو جنگل کر دے

رئیس فروغؔ

الجھی ہوئی سوچیں راہ نہ دیں
جیون ہے گھنا جنگل ساتھی
شاخساروں سے الجھنے لگے بادل کیسے
ایسی برسات میں سوئے مرا جنگل کیسے

غلام محمد قاصر

دور تو نہ تھا اتنا خیمہ اس کے خوابوں کا
راستے میں اپنی ہی خواہشوں کا جنگل تھا

اقبال ساجد

روز و شب لگتا رہے سوچوں کا میلہ ذہن میں
شور سے خالی کبھی احساس کا جنگل نہ ہو

شاذ تمکنت

وہ کون ہے جس کی وحشت پر سنتے ہیں کہ جنگل روتا ہے
ویرانے میں اکثر رات گئے اک شخص ہے پاگل روتا ہے

ناصر کاظمی

بہاریں لے کے آئے تھے جہاں تم
وہ گھر سنسان جنگل ہو گئے ہیں
ایک سمے ترا پھول سا نازک ہاتھ تھا میرے شانوں پر
ایک یہ وقت کہ میں تنہا اور دکھ کے کانٹوں کا جنگل