عرفان صدیقی

چھو گیا تھا کبھی اس جسم کو اک شعلۂ درد
آج تک خاک سے اڑتے ہیں شرارے جیسے

ضیا جالندھری

پردے اٹھتے گئے آنکھوں سے تو رفتہ رفتہ
برگِ گل برف میں پتھر میں شرارے دیکھے

تلوک چند محروم

کون ہے ضیا افگن چاند میں ستارے میں
آگ کس کی ہے روشن برق کے شرارے میں

شکیل بدایونی

وہ دل حریف جلوۂ فردوس بن گیا
جس دل میں تیرے غم کے شرارے چلے گئے
شبِ غم کی تیرگی میں مری آہ کے شرارے
کبھی بن گئے ہیں آنسو کبھی بن گئے ہیں تارے

اکبر حمیدی

ہوا سہلا رہی ہے اس کے تن کو
وہ شعلہ اب شرارے دے رہا ہے