عرفان صدیقی

کبھی سچائیوں کی دھوپ میں بیٹھے نہیں اب تک
تم اپنے سر سے یہ خوابوں کی چادر کیسے پھینکو گے

جمال احسانی

سنگ کو تکیہ بنا خواب کو چادر کر کے
جس جگہ تھکتا ہوں پڑ رہتا ہوں بستر کر کے

اختر امام رضوی

اس چرخ کی تقدیس کبھی رات کو دیکھو
یہ قبر پہ پھیلی ہوئی چادر کی طرح ہے

ثروت حسین

بیچ میں سوئی ہوئی تھی آتش آیندگاں
ایک پیراہن کی ٹھنڈک دھوپ کی چادر میں تھی

قتیل شفائی

آسودہ جس قدر وہ ہوا مجھ کو اوڑھ کر
کل رات اس کے جسم کی چادر بھی میں ہی تھا

محسن نقوی

ممکن ہو تو اک تازہ غزل اور بھی کہہ لوں
پھر اوڑھ نہ لیں خواب کی چادر تری آنکھیں

ناصر کاظمی

یوں کس طرح کٹے گا کڑی دھوپ کا سفر
سر پر خیالِ یار کی چادر ہی لے چلیں