مرزا غالب

متقابل ہے مقابل میرا
رک گیا دیکھ روانی میری
کشاکش ہائے ہستی سے کرے کیا سعی آزادی
ہوئی زنجیر، موجِ آب کو فرصت روانی کی

حیدر علی آتش

جس کے آگے سے گزرتا ہے وہ کہتا ہے یہی
دیکھی اے روحِ رواں ہم نے روانی تیری

مصحفی غلام ہمدانی

عالم اس کی صفا کا مجھ سے نہ پوچھ
نظم میں تیری جو روانی ہے

عبدالحمید عدم

ہے دل میں ایک ہی خواہش وہ ڈوب جانے کی
کوئی شباب کوئی حسن ہے روانی کا

عرفان صدیقی

اب تو یہ پیڑ ٹپکتا ہے مری چھت کی طرح
دو گھڑی روک ذرا اپنی روانی بارش
اور کچھ دیر ابھی سیر سرِ ساحل کر لیں
جب تلک حکم سفینے کو روانی کا نہ ہو

جمال احسانی

آنسو بہتے ہیں اور دل یہ سوچ کے ڈرتا ہے
آنکھ کہیں کوئی بات نہ کہہ دے اس سے روانی میں

احسان دانش

میرے اشکوں کی روانی دیکھی
تیرے خنجر کی روانی کیا ہے

بہزاد لکھنوی

پر آب سی رہتی تھیں پہلے یہ مری آنکھیں
ہاں ہاں اسی دریا میں اشکوں کی روانی تھی
لب پہ ہے فریاد اشکوں کی روانی ہو چکی
اک کہانی چھڑ رہی ہے اک کہانی ہو چکی

بشیر بدر

پتھر کے جگر والو غم میں وہ روانی ہے
خود راہ بنا لے گا بہتا ہوا پانی ہے
آ پہاڑوں کی طرح سامنے آ
ان دنوں میں بھی ہوں روانی میں

تلوک چند محروم

غزل اب ختم ہو جاتی ہے اپنی پانچ شعروں پر
جوانی اور طبیعت کی روانی یاد آتی ہے

فانی بدایونی

ادھر منہ پھیر کر کیا ذبح کرتے ہو ادھر دیکھو
مری گردن پہ خنجر کی روانی دیکھتے جاؤٔ

احمد فراز

ہے بساطِ دل لہو کی اک بوند
چشمِ پر خوں کی روانی اور ہے
دل سلگتا ہے مگر سوختہ جانی کم ہے
شعر کیا کہوں کہ طبیعت میں روانی کم ہے
کوئی کہو کہ ہاتھ قلم کس طرح ہوئے
کیوں رک گئی قلم کی روانی کوئی لکھو

اقبال ساجد

چڑھتے ہی دھوپ شہر کے کھل جائیں گے کواڑ
جسموں کا رہ گزار روانی میں آئے گا
مجھ کو ہے موج موج گرہ باندھنے کا شوق
پھر شہر کی طرف نہ روانی نکل پڑے

امیر مینائی

خنجرِ قاتل نہ کر اتنا روانی پر گھمنڈ
سخت کم ظرفی ہے اک دو بوند پانی پر گھمنڈ
ہے اگر شمشیر قاتل کو روانی پر گھمنڈ
بسملوں کو بھی ہے اپنی سخت جانی پر گھمنڈ

ناصر کاظمی

اندھیری شام کے پردوں میں چھپ کر
کسے روتی ہے چشموں کی روانی

نوح ناروی

بہت سے الفت میں آئے طوفاں رہا کیے نوحؔ بھی پریشاں
مگر وہی پیہم آنسوؤں کی ابھی روانی ہے اور ہم ہیں