مجید امجد

میں فکر رازِ ہستی کا پرستار
مری تسبیح کے دانے زمانے

بشیر بدر

پلکوں پر یہ آنسو پیار کی توہین تھے
آنکھوں سے گرے موتی کے دانے ہو گئے

غلام محمد قاصر

لے لے کے تیرا نام ان آنکھوں نے رات بھر
تسبیح انتظار کے دانے بنائے ہیں

ماجد صدیقی

لگے بھی ہاتھ تو کس کے ستم کشان جہاں
سجا رہا ہے جو کولھو میں دانے دانے کو

حفیظ جالندھری

جب سے پہرہ ضبط کا ہے آنسوؤں کی فصل پر
ہو گئیں محتاج آنکھیں دانے دانے کے لیے

مجروح سلطان پوری

اہلِ دل اگائیں گے خاک سے مہ و انجم
اب گہر سبک ہو گا جو کے ایک دانے سے

نوح ناروی

نظر آتے ہیں کچھ انگور مجھ کو اے مرے ساقی
لہو توبہ کا ان کے ایک اک دانے میں رکھ دینا