مصطفی زیدی

آواز کو تو کون سمجھتا کہ دور دور
خاموشیوں کا درد شناسا نہیں ملا
ایک اک شکل کو دیکھا ہے بڑی حسرت سے
اجنبی کون ہے اور کون شناسا نہ کھلا

رئیس فروغؔ

آگ برسی تھی بدی کے شہر پر
اک ہمارا بھی شناسا جل گیا

احسان دانش

رنگ تہذیب و تمدن کے شناسا ہم بھی ہیں
صورت آئینہ مرہون تماشا ہم بھی ہیں

زہرا نگاہ

اک تارِ گریباں کا رہے دھیان کہ سب لوگ
محفل میں تو ہوتے ہیں شناسا نہیں ہوتے

شاد عظیم آبادی

اپنے مے خانے سے گھبرا کے میں باہر آیا
جب حرم سے کوئی نکلا نہ شناسا تیرا

شان الحق حقی

ہم اپنے چاک دامن پر بہت رسوا رہے حقیؔ
نظر آئین محفل سے شناسا ہو گئی آخر

احمد فراز

یوں تو کہنے کو بہت لوگ شناسا میرے
کہاں لے جاؤں تجھے اے دلِ تنہا میرے

شاذ تمکنت

تار تارِ نفسِ جاں میں ترا نغمہ ہے
پیرہن میں ہے ابھی بوئے شناسا تیری