رئیس فروغؔ

کوئی دو قدم ساتھ چلتا نہیں
مگر میں بھی رستہ بدلتا نہیں
وہی شب کو شبنم وہی دن کو دھوپ
محبت کا موسم بدلتا نہیں

بشیر بدر

کبھی میں اپنے ہاتھوں کی لکیروں سے نہیں الجھا
مجھے معلوم ہے قسمت کا لکھا بھی بدلتا ہے

عالم تاب تشنہ

سوائے در بدری اس کو خاک ملتا ہے
جو آسمان سے اپنی زمیں بدلتا ہے
بروئے چشم ردائے حجاب تان لی جائے
وہ زیر سایۂ گل پیرہن بدلتا ہے
فریب قرب تو دیکھو کہ میرے پہلو میں
تمام رات کوئی کروٹیں بدلتا ہے
ہمیں نصیب ہوا ایسی منزلوں کا سفر
قدم قدم پہ جہاں راستہ بدلتا ہے