رئیس فروغؔ

میں تو ہر لمحہ بدلتے ہوئے موسم میں رہوں
کوئی تصویر نہیں جو ترے البم میں رہوں

زہرا نگاہ

رات عجب آسیب زدہ سا موسم تھا
اپنا ہونا اور نہ ہونا مبہم تھا

ضیا جالندھری

عرصۂ عمر میں کیا کیا نہ رتیں آئیں مگر
کوئی ٹھہری نہ یہاں درد کے موسم کی طرح

عبید اللہ علیم

ہنسو تو رنگ ہوں چہرے کا رؤو تو چشمِ نم میں ہوں
تم مجھ کو محسوس کرو تو ہر موسم میں ہوں

ثروت حسین

مری دھوپ میں آنے سے پہلے
کبھی دیکھے تھے موسم ایسے

احمد فراز

یہ کیا گلشن ہے جس گلشن میں لوگو
بہاروں کا کوئی موسم نہیں ہے

قتیل شفائی

اس نگری کے راج دلارے ایک طرح کب رہتے ہیں
ڈھلتے سائے بدلتے موسم دیکھنے والے دیکھتا جا

مجروح سلطان پوری

کچھ زخم ہی کھائیں چلو کچھ گل ہی کھلائیں
ہرچند بہاراں کا یہ موسم تو نہیں ہے