احسان دانش

ہجوم رنج سے دل کو مسرت ہوتی جاتی ہے
کہ مجھ پر آئنہ اپنی حقیقت ہوتی جاتی ہے

شکیل بدایونی

ہنگامۂ غم سے تنگ آ کر اظہار مسرت کر بیٹھے
مشہور تھی اپنی زندہ دلی دانستہ شرارت کر بیٹھے
مری شامِ الم صبح مسرت ہوتی جاتی ہے
کہ ہر لحظہ ترے ملنے کی صورت ہوتی جاتی ہے
پھر چاہتا ہوں اک الم تازہ تر شکیلؔ
پھر دل کو جستجوئے مسرت ہے آج کل
ہو خیر ترے غم کی کہ ہم نے ترے غم سے
سیکھا ہے مسرت کو مسرت نہ سمجھنا
پھولوں کی غم رسیدہ مسرت نہ پوچھئے
ظاہر میں خندہ زن ہیں حقیقت نہ پوچھئے

فراق گورکھپوری

نیرنگ عشق کی ہے کوئی انتہا کہ یہ
یہ غم کہاں کہاں یہ مسرت کہاں کہاں

محسن احسان

دل سرائے میں تمنائیں ہیں سر نیہوڑائے
کون بستی میں وہ مہمان مسرت اترا