احسان دانش

وفائیں کر کے جفاؤں کا غم اٹھائے جا
اسی طرح سے زمانے کو آزمائے جا
نظر کے ساتھ محبت بدل نہیں سکتی
نظر بدل کے محبت کو آزمائے جا
وفا کا خواب ہے احسانؔ خواب بے تعبیر
وفائیں کر کے مقدر کو آزمائے جا

بشیر بدر

اگر یقیں نہیں آتا تو آزمائے مجھے
وہ آئنہ ہے تو پھر آئنہ دکھائے مجھے

شکیل بدایونی

ہاں ہاں مجھے تمہارے تغافل کا غم نہیں
اس دور خودروی میں کسے آزمائے کون

قتیل شفائی

وہ مہرباں ہے تو اقرار کیوں نہیں کرتا
وہ بد گماں ہے تو سو بار آزمائے مجھے

نوح ناروی

کوئی حسیں نظر آیا یہ بے قرار ہوئے
جناب نوحؔ کو ہم آزمائے بیٹھے ہیں