مرزا غالب

چاکِ جگر سے جب رہِ پرسش نہ وا ہوئی
کیا فائدہ کہ جیب کو رسوا کرے کوئی

مصحفی غلام ہمدانی

صبح سے لے کر شام تلک یاں یہ وہ گلی ہے جس میں پھریں ہیں
چاکِ گریباں موے پریشاں ہم سے ہزاروں عاشق رسوا
حسن ہے اک فتنہ گر اس نے وہیں
جس کو چاہا اس کو رسوا کر دیا

مومن خان مومن

ان سے پری وش کو نہ دیکھے کوئی
مجھ کو مری شرم نے رسوا کیا
کس وقت کیا مردمک چشم کا شکوہ
اے پردہ نشیں ہم تجھے رسوا نہ کریں گے

مرزا رفیع سودا

روا ہے کہہ تو بھلا اے سپہر نا انصاف
ریائے زہد چھپے رازِ عشق رسوا ہو

الطاف حسین حالی

قلق گر یہی ہے تو راز نہانی
کوئی دن میں رسوا ہوا چاہتا ہے

اختر شیرانی

کہتے ہیں اخترؔ وہ سن کر میرے شعر
اس طرح ہم کو نہ رسوا کیجیے

اسرار الحق مجاز

ہوتی ہے اس میں حسن کی توہین اے مجازؔ
اتنا نہ اہلِ عشق کو رسوا کرے کوئی
شوق کے ہاتھوں اے دلِ مضطر کیا ہونا ہے کیا ہو گا
عشق تو رسوا ہو ہی چکا ہے حسن بھی کیا رسوا ہو گا

ظہیر کاشمیری

کیا اور نہ تھا ترکِ تعلق کا بہانہ
سنتے ہیں کہ اب تم ہمیں رسوا نہ کرو گے

حسرت موہانی

دیکھنا بھی تو انہیں دور سے دیکھا کرنا
شیوۂ عشق نہیں حسن کو رسوا کرنا

سلام مچھلی شہری

پوچھئے اس سے غم ساز خلوص
چار ہی دن میں جو رسوا ہو گیا

شاد عظیم آبادی

منزلت ایک کی بھی ہو گی نہ ویسی بہ خدا
حشر میں آئے گا جس شان سے رسوا تیرا

شان الحق حقی

محبت خار دامن بن کے رسوا ہو گئی آخر
یہ اقلیم عزیزاں بے زلیخا ہو گئی آخر

فانی بدایونی

کس قدر بے زار تھا دل مجھ سے ضبطِ شوق پر
جب کہا دل کا کیا ظالم نے رسوا کر دیا
جا بجا تغییر حالِ دل کے چرچے ہیں تو ہوں
ہم ہوئے رسوا مگر اب ہم کسے رسوا کریں
نہیں منظور تپ ہجر کا رسوا ہونا
تیرے بیمار کا اچھا نہیں اچھا ہونا

اختر ہوشیارپوری

درد کی دولت نایاب کو رسوا نہ کرو
وہ نظر راز ہے اس راز کا چرچا نہ کرو

افضل منہاس

میں فقط اس جرم میں دنیا میں رسوا ہو گیا
میں نے جس چہرے کو دیکھا تیرے جیسا ہو گیا
کٹتے ہوئے تنے کا بھی نوچا گیا لباس
گر کر زمیں پہ اور بھی رسوا ہوا ہوں میں

شاذ تمکنت

غم گساری کی توقع نہ دلاسے کی امید
کیا قیامت ہے کہ میں عشق میں رسوا بھی نہیں

قتیل شفائی

یہ تہمت خاک تہمت ہے مرے ہم جرم ہمسایو
تمہاری عمر میں تم سے کہیں رسوا رہا ہوں میں

نوح ناروی

دل نہ تجھے لینا تھا مجھ سے جان مجھے دینی تھی نہ تجھ پر
کیسا دنیا بھر میں رسوا میں ہی میں ہوں تو ہی تو ہے