مرزا غالب

ہر سنگ و خشت ہے صدفِ گوہرِ شکست
نقصاں نہیں جنوں سے جو سودا کرے کوئی

انشاء اللہ خان انشا

تھی نگہ مستوں کی جون رجب ہٹھیلی کی چہرے
حضرت وحشت مدد اے جوشش سودا مدد

حیدر علی آتش

چل رہی ہے دلا ہوائے بہار
لالہ پھولا ہے داغِ سودا لوٹ
تازہ ہو دماغ اپنا تمنا ہے تو یہ ہے
اس زلف کی بو سونگھئے سودا ہے تو یہ ہے
کون سا دل ہے جو دیوانہ نہیں ہے اس کا
خط شب رنگ سے سرمایۂِ سودا ہے وہ رخ

مصحفی غلام ہمدانی

نیم نگہ پر دیتے ہیں دل کو جانو تو کچھ لے لو صاحب
پھر نہ ملے گا ورنہ تم کو ہرگز ایسا سستا سودا
میرؔ کیا چیز ہے سوداؔ کیا ہے
مجھ کو ان لوگوں کی پروا کیا ہے
لکھ لکھ کے اسے یاروں نے دیوان بنایا
کچھ کچھ جو بکا کرتے تھے سودا کے دنوں میں
سوزن و شانہ و آئینہ خریدے ہم نے
کبھی بھیجا بھی تو اس گل کو یہ سودا بھیجا

مومن خان مومن

اے چارہ گرو قابل درماں نہیں یہ درد
ورنہ مجھے سودا ہے کہ میں کچھ نہیں کہتا

جون ایلیا

اس کا ہے جو بھی کچھ ہے مرا اور میں مگر
وہ مجھ کو چاہیے کوئی سودا کیے بغیر
ہوں سودائی سودائی سا جب سے میں نے جانا ہے
طے وہ راہ سر سودائی میں نے بے سودا کی تھی

جگر مراد آبادی

جستجو میں تری یہ حاصل سودا دیکھا
ایک اک ذرہ کا آغوش طلب وا دیکھا

زہرا نگاہ

جاں دینا بس ایک زیاں کا سودا تھا
راہِ طلب میں کس کو یہ اندازہ تھا

فارغ بخاری

چہچہاتے ہوئے پنچھی کو اڑا دیتے ہیں
کسی سر میں کوئی سودا نہیں رہنے دیتے

جلیل مانک پوری

خوب کی تقسیم تو نے اے خیال زلفِ یار
دل کو نذر داغ سر کو وقف سودا کر دیا

سیماب اکبر آبادی

غم مجھے حسرت مجھے وحشت مجھے سودا مجھے
ایک دل دے کر خدا نے دے دیا کیا کیا مجھے

شان الحق حقی

حقیؔ بہت ہے کار جنوں دشت زیست میں
آسودگان راہ وہ سودا کہاں سے لائیں

ناصر کاظمی

سر میں جب عشق کا سودا نہ رہا
کیا کہیں زیست میں کیا کیا نہ رہا