مرزا غالب

چاک کی خواہش ، اگر وحشت بہ عریانی کرے
صبح کے مانند ، زخمِ دل گریبانی کرے
دیکھ کر در پردہ گرمِ دامن افشانی مجھے
کر گئی وابستۂِ تن میری عریانی مجھے

یگانہ چنگیزی

وحشیوں کے واسطے قید لباس اچھی نہیں
زیب دیتا ہے یہی تشریف عریانی مجھے

عرفان صدیقی

قبا سے کیا ہوا ہنگامۂ شوقِ تماشا میں
ہم آنکھیں بند کر لیں گے تو عریانی سے کیا ہو گا

مصطفی زیدی

آنکھ جھک جاتی ہے جب بندِ قبا کھلتے ہیں
تجھ میں اٹھتے ہوئے خورشید کی عریانی ہے

احسان دانش

پھر نہ ثابت ہو کہیں ننگ بیاباں جسم راز
سوچ کر کرنا جنوں مائل یہ عریانی مجھے

غلام محمد قاصر

میں بدن کو درد کے ملبوس پہناتا رہا
روح تک پھیلی ہوئی ملتی ہے عریانی مجھے