مرزا غالب

جلوے کا تیرے وہ عالم ہے کہ ، گر کیجے خیال
دیدۂِ دل کو زیارت گاہ حیرانی کرے

داغ دہلوی

دیکھ کر جوبن ترا کس کس کو حیرانی ہوئی
اس جوانی پر جوانی آپ دیوانی ہوئی
بیکسی پر میری اپنی تیغ کی حسرت تو دیکھ
چشم جوہر بھی بشکل چشم حیرانی ہوئی

فیض احمد فیض

کئی بار اس کی خاطر ذرے ذرے کا جگر چیرا
مگر یہ چشمِ حیراں، جس کی حیرانی نہیں جاتی
اترے تھے کبھی فیض وہ آئینۂ دل میں
عالم ہے وہی آج بھی حیرانی دل کا

جگر مراد آبادی

نہیں معلوم کس عالم میں حسنِ یار دیکھا تھا
کوئی عالمِ ہو لیکن دل کی حیرانی نہیں جاتی

عبدالحمید عدم

جس قدر کرتا ہوں اندیشہ عدمؔ
اس قدر تصویر حیرانی ہوں میں

عرفان صدیقی

پیاس نے آبِ رواں کو کر دیا موجِ سراب
یہ تماشا دیکھ کر دریا کو حیرانی ہوئی
یہ زمیں اتنی پراسرار بنانے والے
کوئی عالم مری آنکھوں کو بھی حیرانی سا

جمال احسانی

جب اسے دیکھو آنکھ اور دل کو ساتھ ملا لینا
اک آئینہ کم پڑ جائے گا حیرانی میں
بیچ جنگل میں پہنچ کے کتنی حیرانی ہوئی
اک صدا آئی اچانک جانی پہچانی ہوئی

احسان دانش

منزلوں احسانؔ پیچھے رہ گئے دیر و حرم
لے چلا جانے کہاں سیلاب حیرانی مجھے

اکبر معصوم

منظر دیکھنے والا ہو پر کوئی نہ دیکھنے والا ہو
کوئی نہ دیکھنے والا ہو اور دور تلک حیرانی ہو

عبید اللہ علیم

وہ بھی ہر آن نیا میری محبت بھی نئی
جلوۂ حسن کشش ہے مری حیرانی کو

علی سردار جعفری

اگر یوں ہے تو کیوں ہے یوں نہیں تو کیوں نہیں آخر
یقیں محکم ہے لیکن دل کی حیرانی نہیں جاتی

تلوک چند محروم

ہاں خدا لگتی ذرا کہہ دے تو اے حسن صنم
عاشقی اوروں کی اچھی یا کہ حیرانی مری

ثروت حسین

میں نے انگور کی بیلوں میں تجھے چوم لیا
کر دیا اور اضافہ تری حیرانی میں

حسرت موہانی

بے نقاب آنے کو ہیں مقتل میں وہ بے شک مگر
دیکھنے کاہے کو دے گی میری حیرانی مجھے
جب سنا یاد کیا کرتے ہو تم بھی تو مجھے
کیا کہوں حد نہ رہی کچھ مری حیرانی کی

حفیظ جالندھری

ہے ازل کی اس غلط بخشی پہ حیرانی مجھے
عشق لافانی ملا ہے زندگیِ فانی مجھے

سیماب اکبر آبادی

میری رفعت پر جو حیراں ہے تو حیرانی نہیں
تو ابھی انسان کی عظمت کا عرفانی نہیں