اختر شیرانی

ویراں ہیں صحن و باغ بہاروں کو کیا ہوا
وہ بلبلیں کہاں وہ ترانے کدھر گئے

فارغ بخاری

نئے انداز سے چھیڑی ہے غزل فارغؔ نے
اب ہر اک لب پہ بغاوت کے ترانے ہوں گے

شان الحق حقی

ذکر سے اس کے سنوارا ہے سخن کو حقیؔ
خوش مزا لگتے ہیں کانوں کو ترانے اپنے

شکیل بدایونی

رباب امن و سکوں کے حسین تاروں میں
شکستِ دل کے ترانے تلاش کرتے ہیں

فراق گورکھپوری

یہ گل کھلے ہیں کہ چوٹیں جگر کی ابھری ہیں
نہاں بہار تھی بلبل ترے ترانے میں

مجروح سلطان پوری

اب زمین گائے گی ہل کے ساز پر نغمے
وادیوں میں ناچیں گے ہر طرف ترانے سے