بشیر بدر

میری آنکھ کے تارے اب نہ دیکھ پاؤ گے
رات کے مسافر تھے کھو گئے اجالوں میں

سدرشن فاکر

چاندنی رات محبت میں حسیں تھی فاکرؔ
اب تو بیمار اجالوں پہ ہنسی آتی ہے

فارغ بخاری

رات کا کرب ہے گلبانگ سحر کا خالق
پیار کا گیت ہے یہ درد اجالوں کے لیے

خاطر غزنوی

ظلمت مغرب کو خاطرؔ کوئی یہ پیغام دے
ہم بھی اب ابھریں گے مشرق سے اجالوں کی طرح

سیف الدین سیف

کھول کر ان سیاہ بالوں کو
روک دو صبح کے اجالوں کو

عزیز حامد مدنی

اندھیری رات میں اک دشتِ وحشت زندگی نکلی
چلا جاتا ہوں دامان نظر دیتا اجالوں کو