مرزا غالب

پھر دیکھیے اندازِ گل افشانی گفتار
رکھ دے کوئی پیمانۂِ صہبا مرے آگے

مصحفی غلام ہمدانی

مدھ میں بھرا ہے جوبن کے وہ حسن سے اس کے ٹپکے ہے مستی
چاہِ ذقن ہے جام بلوریں اور غبغب ہے شیشۂِ صہبا
اگرچہ مے کدہ معمور ہے لیکن ترا کیفی
برنگ گل بہ جز یک ساغر صہبا نہیں پیتا

مرزا رفیع سودا

بہار باغ ہو مینا ہو جام صہبا ہو
ہوا ہو ابر ہو ساقی ہو اور دریا ہو

اسرار الحق مجاز

وہ جوانی کہ تھی حریف طرب
آج برباد جام و صہبا ہے
پرتو ساغر صہبا کیا تھا
رات اک حشر سا برپا کیا تھا

جوش ملیح آبادی

اٹھ چشم جاودانۂ ساغر فروش اٹھ
مچلی ہوئی ہے لرزش صہبا ترے لیے
سرشار ہوں سرشار ہے دنیا مرے آگے
کونین ہے اک لرزش صہبا مرے آگے

شاد عظیم آبادی

بزم آخر ہے تقاضا نہ کر اے محفلِ شوق
اب کہاں صاف بھلا ساغر و صہبا تیرا

فانی بدایونی

ہائے باتوں میں تری لغزشِ مستانۂ ناز
ہائے آنکھوں میں تری نشۂ صہبا ہونا