مرزا غالب

لطافت بے کثافت جلوہ پیدا کر نہیں سکتی
چمن زنگار ہے آئینۂِ بادِ بہاری کا

امام بخش ناسخ

فصلِ گل میں وہ گلِ تر نہیں گل کر دے چراغ
کہ سیہ چاہئیں اے بادِ بہاری راتیں
تو وہ گل ہے کہ اگر کان دھرے گلشن میں
ہو زباں موج کرے بادِ بہاری باتیں

انشاء اللہ خان انشا

دل جو بے خود ہوا صبا لائی
کس کی بو نگہت بہاری میں

بہادر شاہ ظفر

ہوتے ہوتے چشم سے آج اشک باری رہ گئی
آبرو بارے تری ابرِ بہاری رہ گئی

مصحفی غلام ہمدانی

رونا مری آنکھوں سے جب تک کہ نہ سیکھے گا
جا بیٹھ تو رووے گا اے ابرِ بہاری کیا
ہم سبک روح اسیروں کے لیے لازم ہے
قفس گل کو کرے بادِ بہاری تیار

میر مہدی مجروح

ز بس آنکھوں میں رنگت چھا رہی ہے لالہ و گل کی
خزاں میں لطف آتا ہے ہمیں فصلِ بہاری کا

جون ایلیا

چلو بادِ بہاری جا رہی ہے
پیا جی کی سواری جا رہی ہے

عرفان صدیقی

دائم ہے سلطانی ہم شہزادوں خاک نہادوں کی
برق و شرر کی مسند ہو یا تخت بادِ بہاری ہو
جو بھی سورج، چاند، ستارہ، خوشبو، بادِ بہاری ہے
ہر اک اس سرکار کا چاکر، اس در کا درباری ہے