ضیا جالندھری

فضا میں ہیں کسی طوفان تند کے آثار
سفر طویل ہے اور راستا ہے تنہائی

عبید اللہ علیم

وصالِ یار سے پہلے محبت
خود اپنی ذات کا اک راستا ہے

رسا چغتائی

لو دیے کی نگاہ میں رکھنا
جانے کس سمت راستا لے جائے

اختر ہوشیارپوری

میں دشت جاں میں بھٹک کر ٹھہر گیا اخترؔ
پھر اس کے بعد مرا کوئی راستا نہ ہوا

احمد فراز

ہم اگر منزلیں نہ بن پائے
منزلوں تک کا راستا ہو جائیں

ناصر کاظمی

اس نے منزل پہ لا کے چھوڑ دیا
عمر بھر جس کا راستا دیکھا