مرزا غالب

عشقِ پر زور نہیں ، ہے یہ وہ آتش غالب!
کہ لگائے نہ لگے ، اور بجھائے نہ بنے

باقی صدیقی

دل کی آس مٹائے کون
جلتی شمع بجھائے کون

جون ایلیا

بزم شوخی کا کسی کی کہیں کیا حال جہاں
دل جلائے بھی گئے اور بجھائے بھی گئے

قمر جلالوی

سوزِ غمِ فراق سے دل کو بچائے کون
ظالم تری لگائی ہوئی کو بجھائے کون

شکیب جلالی

ایک اپنا دیا جلانے کو
تم نے لاکھوں دیے بجھائے ہیں

بشیر بدر

عجب چراغ ہوں دن رات جلتا رہتا ہوں
میں تھک گیا ہوں ہوا سے کہو بجھائے مجھے

سیف الدین سیف

دیدہ و دل کی بات نہ پوچھو
ایک لگائے ایک بجھائے
کتنی ویران ہیں بے نور ہیں آنکھیں میری
یہ دیے کس نے بجھائے ہیں تمہیں کیا معلوم

فانی بدایونی

ذرا ٹھہر کہ اب انجام سوزِ غم ہے قریب
چراغ زیست بھڑکنے کو ہے بجھائے جا

کیفی اعظمی

کہیں اندھیرے سے مانوس ہو نہ جائے ادب
چراغ تیز ہوا نے بجھائے ہیں کیا کیا

ناصر کاظمی

کیا کہوں کس طرح سربازار
عصمتوں کے دیے بجھائے گئے