ضیا جالندھری

سوزِ دل بھی نہیں سکوں بھی ہے
زندگانی وبال یوں بھی ہے
ایسے روٹھے تھے لیکن ملے ہیں تو یوں
چاہتا ہوں کہ ان سے نہ کچھ بھی کہوں
ہجر جاں کا زیاں وصل مرگ جنوں
جیتے رہنے کا امکان یوں ہے نہ یوں

شان الحق حقی

دل کا احوال کہ کچھ ذکر زمانہ چھیڑوں
بات یوں چھیڑنا اچھا ہے کہ یوں اچھا ہے

احمد فراز

فراز اب کوئی سودا کوئی جنوں بھی نہیں
مگر قرار سے دن کٹ رہے ہوں یوں بھی نہیں
راہ دنیا سے نہیں دل کی گزر گاہ سے آ
فاصلہ گرچہ زیادہ ہے پہ یوں کچھ کم ہے
اس کا اپنا ہی کرشمہ ہے فسوں ہے یوں ہے
یوں تو کہنے کو سبھی کہتے ہیں یوں ہے یوں ہے
ناصحا تجھ کو خبر کیا کہ محبت کیا ہے
روز آ جاتا ہے سمجھاتا ہے یوں ہے یوں ہے