مرزا غالب

نہ جانوں ، کیوں کہ مٹے داغِ طعنِ بد عہدی
تجھے کہ آئینہ بھی ورطۂِ ملامت ہے

عرفان صدیقی

کم سے کم ایک روایت تو ابھی زندہ ہے
سر وہی ہوں کہ نہ ہوں، سنگِ ملامت ہے وہی

حسرت موہانی

دل نے چھوڑا ہے نہ چھوڑے ترے ملنے کا خیال
بارہا دیکھ لیا ہم نے ملامت کر کے

احمد فراز

سب لوگ لیے سنگِ ملامت نکل آئے
کس شہر میں ہم اہلِ محبت نکل آئے

قتیل شفائی

گھر والوں کو غفلت پہ سبھی کوس رہے ہیں
چوروں کو مگر کوئی ملامت نہیں کرتا