مرزا غالب

گر خامشی سے فائدہ اخفائے حال ہے
خوش ہوں کہ میری بات سمجھنی محال ہے

حیدر علی آتش

گرو ہوا تو اسے چھوٹنا محال ہوا
دل غریب مرا مفلسوں کا مال ہوا
دہان یار کے بوسہ کی دل نے رغبت کی
خیالِ خام کیا طالب محال ہوا

جون ایلیا

عشق ہے اپنا پائیدار تیری وفا ہے استوار
ہم تو ہلاک ورزش فرض محال ہو گئے
وہ خیال محال کس کا تھا
آئنہ بے مثال کس کا تھا
اک کرب میں ذات و زندگی ہیں
ممکن کو محال چاہیے تھا
گفتگو جب محال کی ہو گی
بات اس کی مثال کی ہو گی
میں ایک لمحۂ موجود سے ادھر نہ ادھر
سو جو بھی میرے لیے ہے محال ہے شاید

ادا جعفری

میں کتنے حصار توڑ آئی
جینا تھا محال آ گیا ہے

جلیل مانک پوری

میں دامن نیاز میں اشکِ چکیدہ ہوں
کوئی اٹھا کے دیکھ لے اٹھنا محال ہے

محبوب خزاں

ہائے پھر فصلِ بہار آئی خزاںؔ
کبھی مرنا کبھی جینا ہے محال

میرا جی

اب اپنا یہ حال ہو گیا ہے
جینا بھی محال ہو گیا ہے

نوح ناروی

اس حسیں کا خیال ہے دل میں
جس کا آنا محال ہے دل میں