مرزا غالب

فریاد کی کوئی لے نہیں ہے
نالہ پابندِ نے نہیں ہے

انشاء اللہ خان انشا

فے پہ اک نقطہ ہے اور قاف پہ ہیں نقطہ دو
کاف بھی خالی ہے اور لام بھی خالی، یہ لے

مصطفٰیٰ خان شیفتہ

کچھ درد ہے مطربوں کی لے میں
کچھ آگ بھری ہوئی ہے نے میں
کچھ شیفتہ یہ غزل ہے آفت
کچھ درد ہے مطربوں کی لے میں

جون ایلیا

اے شخص اب تو مجھ کو سبھی کچھ قبول ہے
یہ بھی قبول ہے کہ تجھے چھین لے کوئی
اک شخص کر رہا ہے ابھی تک وفا کا ذکر
کاش اس زباں دراز کا منہ نوچ لے کوئی
سینہ دہک رہا ہو تو کیا چپ رہے کوئی
کیوں چیخ چیخ کر نہ گلا چھیل لے کوئی

ضیا جالندھری

اب بھی وہی گیت ہے وہی لے
ہم وہ نہیں انجمن وہی ہے

فارغ بخاری

روشنی اپنی لٹائی ہم نے سورج کی طرح
اندھی راتوں میں اجالا مشعل لے سے کیا

کلیم عاجز

کیا دل ہے کہ اک سانس بھی آرام نہ لے ہے
محفل سے جو نکلے ہے تو خلوت میں جلے ہے
خلوت میں روشنی ہے نہ محفل میں روشنی
اہلِ وفا چراغ وفا لے کہاں گئے

محسن احسان

شاخ مژگان محبت پہ سجا لے مجھ کو
برگِ آوارہ ہوں صر صر سے بچا لے مجھ کو
دور رہ کے بھی ہے ہر سانس میں خوشبو تیری
میں مہک جاؤں جو تو پاس بلا لے مجھ کو
میں تری آنکھ سے ڈھلکا ہوا اک آنسو ہوں
تو اگر چاہے بکھرنے سے بچا لے مجھ کو
صبح سے شام ہوئی روٹھا ہوا بیٹھا ہوں
کوئی ایسا نہیں آ کر جو منا لے مجھ کو

ناصر کاظمی

تو اسیرِ بزم ہے ہم سخن تجھے ذوقِ نالہِ نے نہیں
ترا دل گداز ہو کس طرح یہ ترے مزاج کی لے نہیں